Азийн хөгжлийн банкны санхүүжилтээр Сангийн яам, Гаалийн ерөнхий газраас “Хилийн үйлчилгээг сайжруулах бүс нутгийн төсөл”-ийг хэрэгжүүлж байгаа бөгөөд Монгол Улсын хилийн хяналтын байгууллагуудын чадавхийг дээшлүүлэх нь уг төслийн хүрээнд зохион байгуулагчдаас “Хилийн хяналтын байгууллагуудын албан хаагчдад зориулсан хөтөлбөрт сургалт”-ыг Замын-Үүд дэх гаалийн газарт 2023 оны 06 дугаар сарын 19, 21-ний өдрүүдэд зохион байгууллаа.
Сургалтад Замын-Үүд суманд үйл ажиллагаа явуулж буй төрийн байгууллагууд /Замын-Үүд сумын сум дундын Прокурорын газар, Замын-Үүд сумын сум дундын Шүүх, ХЦ-ийн 0108-р анги, ГИХБ, Замын-Үүд сумын сум дундын Цагдаагийн газар, Замын-Үүд дэх Тагнуулын газар, Замын-Үүд дэх хилийн Тагнуул, Замын-Үүд өртөө, Замын-Үүд ШАА, Замын-Үүд сумын нэгдсэн төв эмнэлэг, Замын-Үүд сумын Шүүхийн шийдвэр гүйцэтгэх алба, Авто тээврийн үндэсний төв, Замын-Үүд дэх Гаалийн газар/-ын нийт 12 байгууллагын 60 албан хаагч 3 өдөр танхимаар оролцож, хил хяналтын байгууллагын хамтын ажиллагаа, уялдаа холбоо, эрсдэлийн удирдлагад суурилсан хяналт шалгалтын чиглэлээр мэдлэгээ нэмэгдүүлж, санал бодлоо солилцсон үр дүнтэй сургалт болж өнгөрлөө.
